قصيدة القصااااص ( مؤثرة )

[عبدالله بن سدحان البدراني]

القصيدة
قصتها سلطان بن رباح كان له خوي يقال له محمد بن عقيل جمعتهم خوت الدنيا من يومهم صغار على عز و معزه
كبروا و تزوج سلطان و جاه ولد و سماه على خويه محمد من زود ما يغليه
كانوا يحبون المقانيص و يحبون الصيد
فأطلعوا مره الأثنين ما معهم ثالث
في وقت صلاة الظهر محمد يسوي الغذاء و سلطان ينظف السلاح
فكان فيه طلقه ما درى عنها سلطان في المخزن
فضغط الزناد و ثارت البندق و مات خويه
و شال خويه و سلم نفسه و بدو الناس يتوافدون على اهل محمد عشان يتنازلون عن سلطان لكن للأسف وصلت الديه الى عشرة مليون .
و رفضوا إلا راس براس
صدر الحكم على سلطان و قصوا سلطان
لكن الصدفه في الموضوع ان قبر سلطان كان جنب قبر محمد
فكانوا اخوان في الدنيا و جيران في القبور ...........

فيقول الشاعر جزاء البقمي في القصيدة :

يا فــلاح الهم خيم فوق قلبي يا فلاح= كيف تبـغـاني اســولف و انت خابرني عليل
ويــش قــولــك فــي عــليل فــي حـيــاته ما أستراح= تــنـتــثـر دمـعـه عيـونـه لأظـلم الليل الطويل
حـــالــتــه لا مـا تــباعـد حـال ســـلـطــان الرباح =بالخـطأ راحـت حـياته و الخطأ ما له مثيل
كــان ويــا صــاحــبـه أثــنــيــن فــي أرض بـــراح= يطردون الصيــد دايــم من صبح لين المقيل
اجــمــعــتــهـم صـحـبــه الـدنــيـا علـى جــد و مـزاح= ما يـهـابــون اللــيـالي و الحمول اللي تميل
مـا قـتــل عــامــد و لــكـــن ثــور أبــلــيـس الــسلاح= بالخــطـأ ثــار الـسلاح و وين يلقى له دليل
و أنــعــقــد ســجــنــه و ربــعـــه تـنــتظر فك السراح=و الأكيد انه سجين و ما رضوا ربع القتيل
هـل دمـعـه يــوم صــلــى ركــعــتيـن فــي الـصـباح= في نــهـار الـجـمعه اللي من ثقيل في ثقيل
هــلــل و كــبـر و نــفــســه تــذكــر اللــي راح راح= كــان فــي ربــعه عـزيز و ذله الوقت الذليل
لا مــحـمــد لا تـــهـانــي لا ســعـود و لا صـلاح= كــلــهــم كــانــوا عـلى بـاله و همه في هديل
طــفــلة مــا كــملت عــامــيـن صـايــبهـا كــسـاح= و انــتــثــر دمـعـه و حــاله مـن سبايبها نحيل
حان تـنـفـيـذ الـقـصـاص و غـطـوا الـراس بـوشاح= و جـــاك سيــافه يــشيل السيف ابو حد صقيل
و ارتــخى راســه و زاد الــمـوقــف الــحامي صياح= بين نوح و بين دمع و بين صيحات و عويل
و أرتــفـع صــوت الـحـشـود و زاده مـحـمد و صاح= يـا يـبه تـكـفــى دخــيـلك تستمع قول الدخيل
يـــا يـبـه وشــلون نــصبـر كــيـف نـهـجـع بأرتـياح= و أنــت مـــن دنـيـا عيالك ماخذك مر الرحيل
يـــا مـحــمـد هــاك عــلـمـي و احــفـظه قبل المراح= انــتـبـه لأخــوانـك و بـالــك عــلـيهم لا تعيل
و الله الله في الصلاة و في الصيام و في الصلاح= والــله الـــله فــي امكــم و الله لكم بعدي كفيل
و غمض عــيـونه و نفــسه تطــلب الله السـماح= رافـع ســبـابـتـه مـــظـلـوم و الــله الوكيل
و ســل ســيـاف الـصـفــا ســيـفــه و طــقــه ثم طاح= راس ســـلـــطـــان الـــمـراجل و انتثر دمه يسيل
غـــســـلــوه و كــفــنــوه و فـــاح طـــيـب الــسدر فاح= و بــالـمــصـادف صار قبره جنب قبر ابن العقيل
يــا فــلاح الـكارثـه مـا هـي ســوالـف يـا فــلاح= خــلـــنــي سـاكـــت و دور غــير هالقصة بديل

تحياااااااااااااااااااااتي