الملاحظات |
مشاعر شاعر للقصائد والاشعار |
الإهداءات |
« آخـــر الـــمـــشـــاركــــات » |
|
أدوات الموضوع | انواع عرض الموضوع |
10-05-2007, 06:03 PM | #1 |
ملحمه للشاعر نواف ابن محمد ابن راجح
مساكم الله بالخير **************
بسم الله الرحمن باول مقالي=اخير مانبدى بذكره وباسماه
بديت باسمك ياعظيم الجلالي=يامن عصمت المصطفى عن خطاياه وأنا بشر ومعرض بكل حالي=تعصم خطا روحي من ادناه لاقصاه ياذا الجلال الله لاجاءمجالي=انك تجملني على ماتوراه يالواحد اللي بكبرياه امتعالي=يامن خلقت الروح والروح ترجاه لأخطى الضعيف اللي طرح في حلالي=تفتح لي أبواب السماوات يالله ارضي جلالك وعن رضى الخلق عالي=تخذل عدوي وانت تقرى نواياه ثقل موازيني نهار القبالي=ياخير من تامر ومن نكسب أرضاه خطو الكديش اللي يهوز الجبالي=اللي لاطال الماد تضعف هقاياه ثرثار قوم ومصدرن للخبالي=والخبل خبل ولا تخارج به أرياه يضيع مابين النجوم العوالي=منجوم ليل وضيع اللي توراه ابعتزي واقول ماكان بالي=طوب العرب حده على اقصاه وادناه حنا هل الطولات اول وتالي=عيال شيخن طعنته تخرش اعداه حنا الزحول اللي تطول الطوالي=هذا عشا والا هذاك انتغداه كد قالها ذيبن مضت له ليالي=اللي مواقيفه لك الله مسماه واللي طرح له كلمتن ماتقالي=ابستره وابنصحه واتحداه حظي كبير وسمعتي بالعلالي=طلنا حضن نجد وحضنا رعاياه يوم الليال الماضيات الخوالي=كم طالتن حول بها الحظ وادلاه كم سابقن حول زحلها ومالي=شلفا صنت يمناه فيها مضراه مضرابها ماله شفيعن يسالي=خصيمها راسه يحول لماطاه هرجن صحيح موكدن لايزالي=لاجاء مجاله صفحت العز تقراه ماشافت العميان ياهملالي=لوهي تحس وتسمع اللي ذكرناه وهاجد نهارن فيه من جاء وعالي=عوّد كسير وصاطي الملح يصلاه ابن رشيد اللي من الزار كالي=عوّد كسير ويقذف الدم من كلاه من كف اخو صيته ماسدّ الموالي=ماينقح الا من تسمى بيمناه عتلْ قومن ضارين مايسالي=من كف هاجد بام ركبه تغداه فوق الهميليه نهارن هوالي=من حظنا رد اول القوم لاتلاه وابن رمال اللي نخاه الرمالي=قص الخبر ياللي تعده وتقراه من دون وضحن يحملن الهلالي=اللي رَسمْ شيخ البدارين ترعاه وضحن عليهن المطارق غوالي=مرتاعهن شلف البدارين تحماه ومنقد الدله وكيفه زلالي=اللي يعرفون النشاما مزاياه صنيتان فنجاله من الكيف غالي=فنجال كيف البن صايغه ماهداه ناله ولا غيره بهالشان نالي=واللي معه هرجه صحيحه محياه واللي لسانه في شدوقه يلالي=والله لاقصه والخزاين املاّه معروف ابويه واتعزوى بخالي=حذرت حول القوم عن كل مطغاه كم سالفه وشهود صفر الدلالي=محفوظتن للشيخ والكيف سقناه الاوله عدت وهذا مثالي=والثانيه بأقصى المعاليق مركاه فتاكتن لحن بحرها يشالي=من شاعرن شرارة الشعر تفداه اليا قدحت مال السعيره توالي=منضمومتن مايعجزالخصم ترقاه حربي وصيته قدم زيد الهلالي=ترسم سواليفه ويسمع بطرياه يامحزمي ياحرب صالي بصالي=اقدح شرارتها وتالع بعلباه تشرب بحور وتطلع اعلى الجبالي=تقلب صخر بقعاء وتقرا خفاياه الاوله عدت وياطول بالي=والثانيه عندي ومني ومغراه والثالثه من قال بالعون طالي=هذا جزاء منهو جمع داه برداه حربي ليا دار الرشا بالمحالي=كم موقفن ياحرب قلنا وطلناه والله يالولا مكرمين السبالي=مانتبع الجاهل ولاناخذ ارياه عبرقنوات الفضا ردهالي=حق الخصيم اليا زعلنا عقلناه يامثور الفتنه هتيشن عبالي=هماز لمازن وكذاب مبداه اقول ذي فالك والاخرى عقالي=ثرثار قومن ضاع وان طال مسراه اقرى على المجنون وابرم حبالي=حربي ليا هجرس عثى الوقت ماشقاه عقيد قومن للمواقيف يالي=ومحنكن هرج المقاريد يقفاه ارفع على الاعناق سيفن سلالي=سيفن يشيل الروس والدم كلناه الياحذف رمحه يشق الخيالي=اقرب شوي وكان لك عين تاراه من حرب لاهبت هبوب الشمالي=عز الخوي والجار تحشم مطاياه رجالهم لاقام بالحمل شالي=عينن ماشافة حرب تكحل ومشقاه شرابتن للكيف والصيت عالي=كم دلتن فنجالها كد كفيناه هرجن صحيح اليا فتحنا المجالي=نذكر براهينه وتطلق شضاياه ابن رشيد اكبر زحول الرجالي=له دلتن فنجالها ماشربناه نعم الخصيم اللي جعلها مثالي=اللي عجز علوش ياصل مزاياه والا انت ياسولفجي الليل لالي=لك جبهتن والسانها لك لويناه نعمن بشمر ميلين العقالي=ماذمهم والهرج فيهم منعناه اهل الكرم واهل الفعول الجزالي=والا انت غن وشيل لحن المعاناه اما تعذر عن كلامن يقالي=والا النظر يمك ترانا ثنيناه واليا تعذرت بكلام ومقالي=عنك النظر يابو سوالف صرفناه عبر القناة اللي عليها السوالي=تابس عظم ماطلت شين فعلناه اليوم في حكم السعود الشبالي=اللي عدالتهم منالله لله هم الزحول اهل العقول الثقالي=شيوخ نجد اللي لها المجد والجاه اللي حكموا نجدٍ بحد الصقالي=في ضلهوا الراعي يتمشى بمرعاه ويعيش عبدالله سنينن طوالي=مليكنا اللي كل ابونا فديناه مليكنا المحبوب للشعب والي=هوشيخنا اللي كلبونا تبعناه وختامها صلوا عدد ماطرالي=على شفيعن لامته يوم نلقاه |
|
11-05-2007, 03:54 AM | #2 |
قصيده رائعه صح لسان شاعرها و بيض الله وجهك على النقل |
|
11-05-2007, 02:23 PM | #3 |
|
|
11-05-2007, 10:08 PM | #4 | ||
تشرب بحور وتطلع اعلـى الجبالـي
|
|||
12-05-2007, 03:27 PM | #5 |
أخواني |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|