اقتباس:
المشاركة الأصلية كتبت بواسطة عبيد موسى الفزاع البدراني
هذه بعض الابيات المتواضعة احببت ان اشارككم بها وعسآ ان تحوز على رضاكم
غنا الحمام ومولع القلب غنا=غنا على صوت الحمام وهديله
الله لا يجزاك بالخير منا=صوتي يجر القلب بيحت كيله
يعل جنبك من وريدك يحنا=بمشوكن من نص جنبك يزيله
خليت رجلي للطويله تعنّا=شديت رجلي بالخطى واعنيله
الوج لوج اللي ولدها تثنّا=في مهمهن عجزت عضامه تشيله
تضوي على مسراحها ثم تحنّا=وقامت تلوب الطرش مثل الهبيله
تركض وتاقف ثم قامت تصنّا=الياس طاويها ولا تشوف زيله
الا نسورن للزريبة هافنَّا=وجتهن بدون شعور عجلن هذيله
وجذت على الكيعان تزند تزنَّا=وتحك جسمه للحصى وتنطويله
شافت مع عض الذيب منّا ومنَّا=منزعن جسمه وغادن هليله
عيونها من غبنها يطرقنَّا=لو شافها المفطوم عقله تهيله
على زمانن كان وياما وكنَّا=ما اقفن به الايام مافيه حيله
يا احمد غرابيل الليالي وطنّا=سود الليالي اللي عصاهن ثقيله
بالليل اسامر مرقباتن سرنّا=والصبح مكظم والضماير عليله
ادري بْعَض شفاي ما ينفعنّا=ماينتهي قلبن نحا فيه ميله
لو المناوي تنفع اللي تمنَّا=كلن تمنى لين يشفي غليله
|
الاخ الغالي عبيد البدراني
صح لسانك وعلا شانك وبيض الله وجهك
قصيدة مكتملة في معناها ومبناها
ننتظر جديدك
لك تحيتي وتقديري