 |
 |
 |
 |
 |
 |
|
|||||||
| الملاحظات |
| المنتدي العام مناقشات - حوارات -مواضيع عامه |
 الإهداءات |
 « آخـــر الـــمـــشـــاركــــات » |
 |
|
|
أدوات الموضوع | انواع عرض الموضوع |
28-02-2007, 10:36 AM
|
#1 | ||||||||
|
هذا ماحدث فعلا ً ..والقصة بالتفصيل
بسم الله الرحمن الرحيم
السلام عليكم ورحمة الله وبركاته اربطوا الأحزمة وتابعوا ما حدث بالعامية وبالتفصيل الممل .. / قنصت انا و اربعة من الشباب على موترين جيب ودوج .. وصلنا يااللي على الجيب محلنا اللي اتفقنا عليه .. بعد الظهر مباشرة .. على انا نريح الليلة وبكرة ندوج بالديرة وتأخر راعي الدوج ومعه الطيور .. المهم شبينا نارنا وجهزنا اقهوتنا .. وقال واحد من الشباب .. حــــــــطينا نيشان !! ما امداه يكمل الا الثاني يقول وين المرمى الطيب.. واتفقوا على هاك المكان اللي يجي له كيلو .. ( طبعا العدني .. ( أم خمس ) ما اطلع للبر الا وهي معي ) راح انت يالأول وحط له جالون ( شل سوبر ) .. ودرات رحى المعركة .. والتحدي واتفقوا كل واحد يرمي له مشط .. خمسة اطلاق رمى الأول .. و دونها وذرفة وطيرت شعر راسها .. ورمى الثانية .. ومثل الأول الا انه طير قلب ارنب ٍ دونها المهم جاء دوري .. واستدني العدنية اللي خبري فيها عتيق واحط لك المشط في بطنها .. واناظرهم عن طرف قلت لهم وين تبون بالضبط من جالونكم؟ والله ويتضاحكون .. واتساوى للنيشان واعود واعدلها عنها .. قلت بأجرب مرماها بأول طلق .. واعاير على هاك البياضة اللي بعيدة ٍ عن النيشان لا والله ما بقى منها شيء .. ويقوم لك ابليس على الشباب اللي عندي ..هذا يقول احول وهذا يقول قلنا لك النيشان ما قلنا الشيشان المهم زعلت .. وقلت اسمعوا .. باقي اربعة أطلاق ونيشاكم فيه شل سوبر تحتوي على اربع نقط كل نقطة بطلق وشرط ما يتحرك النيشان غير بآخر طلق..!! المهم لو فيه بشر يطير من الضحك .. ما لقيتهم عندي واعااااااااااااااير .. هذا المهم وأحط اول طلق بالنيشان واحتار بين النقط الأربعة .. واعود قلت بأعدم نقطة سوبر بالأول .. واعاير لين شفت نقطة السوبر مثل شاشة المرقاب.. وثااااار الطلق .. لا والله الأشارة ما تحركت وانا موكد ان الطلق غير الكلمة يوم اعدم النقطة تضاحكوا يظنون ان الطلق ما صابها لأن مافيه لا غبار ولا حركة ولا تغير النيشان.. والطلق الثانية قلت بأعدم فيه نقطة شل العلوية .. ثاااار لا والله النيشان بمحلة .. وانا موكد ان فيها.. والطلق الثالث قلت بالنقطة اليمنى .. ولا تحرك النيشان المهم وقفوا محتارين لأنهم مايدرون وين الأطلاق تروح قام واحد منهم وقال .. بأعس لا يكون فيه عرب بتقى النيشان ضحكت قلت اجل على وجهك هات النيشان واعاااير قلت هذا بالنقطة اليسرى و النيشان بأطيره .. ويسكت انت ياللي قام وعينة على النيشان .. مانزل عينه عن النيشان لين غيرت محله بالطلق الرابع و الله العلم .. واركي بندقي على مركاه اللي قام عنه .. قلت على وجهك لا تنسى النيشان ويقوم وهو يقول هذي صدفة ولا صابه الا الطلق الأخير .. قلت على وجهك هاته ونشوف .. ويقوم ويروح للنيشان سييييييده .. ويوم اقبل قام يلفلف وصل ابو الشباب ومعه شل سوبر سابقا ً .. سل سوـر حاليا ً.. يطالع انت ياللي عندي .. قال والله هذا العلم .. وهذاني ابصم لك على العشرة تقهوينا .. وزهزهات عصير لا والله هذا راعي الدوج ومعه الطيور .. وين يا ابة الشباب ؟ والله ويجلس و يصبون له هاك الفنجال .. يوم ارفعه عند فمه لا والله يطالع بالجالون .. ويشوف السماء عبر النقط وهو يرد فنجاله .. وهو يقوم ويأخذ الجالون ويناظر لا والله فوارغ الأطلاق قال هذا من اللي مسوي فيه كذا ..! قالوا شامخ .. قال طيب : وين كان محل النيشان .. قالوا هناك ويشرون له على محله .. لا والله يشوف نبث الأطلاق وعرف ان الكلام صحيح وعلموه وش اللي صار .. وشاش الرجال وقال من علمكم الرمي؟ قال قم ياشامخ من تحدي بيني وبينك .. وقلت تــّم وهو ما وفى كلامه ( خفت لا يذبحني ) قلت له حط نيشانك .. ويروح للدوج ويطلع من غمارته حبل ما ادري كيف شالته سيارته من طوله الحبل دقاق ممكن 3 ملي.. وطوله يوم فرده يجي له 400 متر انا احترت بالرجال وش يبي يسوي بها الحبل !! ويرجع لسيارته ويأخذ منها حبل يجي طوله متر ودقاق مثل الأول ويأخذ الصقر ويربط الحبل الطويل برجل الصقر اليسرى !! ويأخذ علبه بيبسي فارغة ويثقبها مع الجانب .. ويربطها بالحبل القصير .. ويربط الحبل القصير برجل الصقرى اليمنى .. ويربط لك الطرف الآخر من الحبل الطويل بحنايا الدوج ! قال شف .. البواردي اليوم يأخذ الصقر والبنادق الثنتين كلها ويفك برقع الصقر ويصيـح عليه هاك الصيحة .. اللي لو صاحها على الدوج طار ويثوع انت يالصقر بحبله وقوطي ببسيه لين اشتد الحبل ووقف الطير .. قال تشوف القوطي اللي برجل الصقر .. اللي يصيبة اكثر من خوية هو البواردي قلت ورنا فعلك بالأول .. والله ويطلع بندقه .. ويحط مشطها في بطنها وهذا هو لين ثااااااااااااار اول طلق .. لا والله القوطي بمحلة والصقر شاش ولا له حيله موثقة الرجال .. وطع وطع وطع وطع ... المراد ما صاب و الله واستدني بندقي .. واخذ هاك المشط .. واحط لك في بطنها ثلاث قلت اسمعوا يارجال .. بندقه ترى مالي حاجة ٍ فيها .. والكتب من عناوينها واما الصقر .. فكني منه .. لو هو ملكي .. تنازلت عنه.. ماهو ردى ٍ فيه لكن له وقته الطلق الأول بأفك الصقر من هالحبل الطويل .. بأقطع الحبل الطويل بأول طلق والطلق الثاني .. بأفك الصقر من الحبل القصير والعلبه.. بأقطع الحبل القصير بالطلق الثاني وقبل لاتصل العلبه الأرض .. بأعدم ملامحها بالطلق الثالث .. المهم ... واتساوي وهذا انا .. لين شفت الحبل الطويل الدقاق .. مالي عيار البندق .. ويثور الطلق لا والله قاطع الحبل الطويل ويشيل يالصقر نفسه يبي الفكة .. وآزن الطلق الثاني من الحبل القصير .. يوم نويت ارمي .. لا والله الصقر يوم خف نفسه .. وارخى عزومة .. قلت بأشوف وش يسوي .. المهم قام يهوي من قدام مرماي ... مثل اللي يقول فكني من الحبل الثاني واعاااااااير لا والله قاطع الحبل القصير .. واهوت فيه العلبة بسرعة للأرض وقبل يصل الأرض .. لاني متمكن ٍ منه بالطلق الثالث .. لا والله مسوي فيه شيء ما يذكر لا والله خوي اللي يتحدي يوم جلس وغدى صوته .. المراد .. وانا التفت بأشوف الصقر وين راح .. لا والله يوم حول صوبنا .. ويوقع على المركى اللي عليه بندقي .. وعيونه طايرة ٍ في .. ولاينزلها واطالع فيه .. لا والله مانزلت عينه عني .. ولو له قدرة ٍ على الكلام يمكن تكلم آخر شيء استحيت منه .. المهم .. ويطمر لا والله انه على ركبتي .. ويطمر لا والله انه على ذراعي .. لا والله يوم اوجع يدي بمخالبه .. واتصبر واتصبر واتصبر واتصبر واتصبر واتصبر لين وقف دمي .. وافز من نومي لا والله اني صاااااااحي ... واتعوذ من الشيطان .. آسف على الإطالة .. فهذا ما حدث فعلا ً .. تقديري لكم
|
||||||||
|
|
|
01-03-2007, 02:04 PM
|
#2 | ||||||||
|
|
||||||||
|
|
|
|
01-03-2007, 07:19 PM
|
#3 | ||||||||
|
أضحك الله سنك
أخي الفارس واكيد انك بواردي مادام هذا الحلم اكيدان الواقع أطيب ان شاء الله تقبل تحياتي
|
||||||||
|
|
|
|
03-03-2007, 10:21 AM
|
#4 | ||||||||
|
|
||||||||
|
|
|
|
03-03-2007, 10:25 AM
|
#5 | ||||||||
|
|
||||||||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 11:24 PM.