السلام عليكم ورحمة الله وبركاته
واسمحوا لي بهذه القصيده التي ارجو ان تنال استحسانكم/
ترى الدهر ياطيب الذكـر قـلاب "="والبـال لـم اهـل الوفـا ماتـلـده
خابرك حر ومنك مانيـب مرتـاب "="ياشوق مـن سـود الجدايـل تكـده
قلبي تعذب منك ماابديـت الاسبـاب"="والبال يمك لـو بـدا منـك صـده
وترى البحر لاهاج ماسـر مرقـاب"="كل(ن)يحسب ويـش جـزره ومـده
حتى الوصوف ان بينت حرف بكتاب"="وماكـل قـاري يفهـم اللـي نقـده
الحر يفهم بس من بعـض الاذنـاب"="واعرف ترى المعنى تغيـّره شـده
ومافيه حق يضيع الى جـاه طـلاب"="والسيف مايضرب على غيـر حـده
ودمع(ن)على الخدين يوم انه انساب"="تبيـن شكـوى هامـلـه لـويـرده
نهيت قلبـي عـن محبتـك ماتـاب"="الا ان تتوب الشمس عن بحر جـده
^^^^^^^^^^^^^
^^^^^^^^^^^
^^^^^^^^^
^^^^^^