قصيده / محمد ابو دباس عندما تغرب دباس عن ثمان سنين ( كــاملـــه)

[ابووائل]

قصيد موجة الى دباس حينما تغرب عن والده ثمان سنين فى طلب المعيشه تجاه عمان

يقول ابو دباس متوجداً على دباس :-

ياونة ونيتها من خوى الراس"= "من لاهب بالكبد مثل السعيره
ونين من رجله غدت تقل مقواس" ="ويون تالي الليل يشكي الجبيره
وياحمس قلبي حمس بن بمحماس"= "وياهشم حالي هشمها بالنجيره
وياوجد حالي يا ملا وجد iغراس" ="يوم اثمرت واشفا صفا عنه بيره
من ثمر قلبي سرا هجعة الناس" ="متنحر درب عسى فيه خيره
الله يفكه من بلا سو الاتعاس" ="ومن شر عبثات الليالي يجيره
فى ديرة تقطعت عنه الارماس"= "سبعين يوم للركايب مسيره
لاوالله إلاحال من دونه الياس" ="حط البحر والبر دون الجزيره
علق سلوان وراء العين والطاس" ="وقلبي على فرقاه تسمع فريره
يالله ياللي رد من عقب ماياس" ="يوسف على يعقوب وابصر نظيره
ترد على أدباس يا محصي الناس"= "ياعالم ما بالخفا والسريره
يادباس أنا بوصيك عن درب الادناس" ="ترى الذي مثلك يناظر مسيره
عليك بالتقوى ترى العز يادباس" ="فى طاعة اللي ما ينجيك غيره
هذي ثمان سنين من رحت يادباس" ="لا رساله جتني ولا من بريره
يادباس من عقبك ترى البال محتاس" ="وعليك دمع العين حرق نظيره
وعليك كنى فى دجا الليل حراس" ="أصبح على حيلي وعيني سهيره
أصبح انا مابين طاري وهوجاس" ="وطواري تطري علينا كثيره
مثل الوحش قلبي على كف حباس" ="يكفخ كما طير اسبوقه قصيره
متحير من عيله البيت يا دباس" ="ارجى ثواب الله وأخاف المعيره
أخاف من حكي العداء ثم الانجاس"= "أهل الحكايا الطايله والقصيره
ويقال خلا عيلته عن نزا الراس" ="أقفا وخلا عيله له اصغيره
والا فنا يا بوك قطاع الارماس"= "مانيب مثبور أو رجلي iiكسيره
أصلك لو دونك نبا حمر الاطعاس" ="الصلب والصمان دروب عسيره
مهالك مدارك ما بها أوناس"= "إلا الثعل والبوم تسمع صفيره
لو كنت فى نزوى وديرة بني ياس"= "أهل الموازى والوجيه الغبيره
عبادة الاصنام شرابة الكاس" ="الخمر والتنباك فيها وغيره
لاركب على وجنا من الهجن عرماس" ="فج النحر يادباس حمرا ظهيره
متروسه الفخذين مزبورة الراس" ="كن الخلاص اعيونها يوم أديره
ياشبه ربد تخفق بالاوناس" ="وان رفعت جنحانها مستذيره
تنشر من العوده على نور الانفاس" ="عند الفجر والليل مقفي مريره
والعصر بالصمان تسمع لها اضراس" ="حبل الرسن خطر تبتر جريره
ونهار ثالث بين حما الاوراس" ="وارأي أمك جعلها لك سفيره
ثم أركب ساقيه تقلب الراس" ="تمشي بهلها فى البحور الغزيره
إلى مسكت الفيحاء بها الخير محتاس" ="لولا الكفر والشرك ياوي ديره
فيها الطبيق وراهي الخبز يادباس" ="يقعد خوى الراس خنه خميره
هى ديرة اللي باغى كيفة الراس" ="ولا له حد همه من الناس غيره
هيس بذرى الاجواد لصحاف لحاس" ="يفرح الى نيدى لذبح العقيره
ذا ما قفك يادباس ما فيه نوماس" ="يصلح لقين مهنته طق زيره
ترى الضراوي دون وأنت انشدالناس" ="راعيه ما يذكر بخير وغيره
ماله سوى حذوا لحنك منه والياس"= "والى انقطع خرجه فلا له ذخيره
طلب المعيشه بالحراثه والاجناس" ="المشتري والبيع يوصف وغيره
هم انهض العيرات مع كل فراس"= "يادباس دور خير تستشيره
جدك وعمانك هل العز والباس" ="أهل اللوازم مكرمين القصيره
يادباس ما يصبر على البق والحاس" ="إلا الذي ماله بنجد عشيره
واليوم يامروي شبا كل عباس" ="أنت يا لطام وجيه المغيره
عشرين عام كلها أرجيك يا دباس" ="مثل الغرير اللي تولع بطيره
عد المناكب هيلع فرخ قرناس" ="يمناه فى لطم الحباري شطيره
عانق خلوج روحت عقب مرواس"= "عند العصير لبيضها مستذيره
والليل جاه وحال من دونها الياس"= "روحه على فرقاه فرت فريره
يادباس أنا يابوك مانيب بلاس" ="ميران عيلات الرفاقه كثيره
جنبت وسط السوق وامشي مع الساس"= "وأخذ قليل الحق واترك كثيره
يا دباس لو جبت لى من دحب الاكياس"= "مختلفه ما بين زر ونيره
مالي بها ياجعله بألف قباس" ="ويعلها تذهب ولو هي كثيره
يادباس قلبي كل ما هب نسناس"= "شرقية هبت بقلبي سعيره
والحال يافرز الوغى مسها الباس" ="عليك يا ناطح اوجيه المغيره
وغصون قلبي يا فتى الجود يباس"= " غادي أنا يابوك كني هشيره
من شافني يقول ذا فيه لساس"= "واللي برى حالي إلهي خبيره
لا وعلا من قبل غوال الانفاس" ="وامفارق الدنيا يجينا بشيره
عسى يطق الباب والناس غطاس" ="ياوالي القدره عليك اتعبيره
وصلاة ربي عد ماهب نسناس"= "على النبي عدة احقوق المطيره

هذه مرد دباس عندما سمع غلام يردد قصيده والده :-

حي الجواب الى لفانا من الراس"="جابه غلام ما توانا مسيره
اهلا عدد ما حبك قرطاس" ="وما كتب فوقه بيوه شطيره
جواب منهم لى مود من الناس" ="ابوى ما يوصف حلى لغيره
فرز الوغى كنه على الوقير كرناس"= "وقروم ربعه كلها تستشيره
دليل عيراه ايلي هب نسناس"= "ثم اولهم الجو مابه ذخيره
فهى الغنم لاهل الركيب والقراس" ="الى رجو بيته فلا عليهم قصيره
راعي معاميل بها العبد جلاس"= "البن يشر بها السنين العسيره
هاذي بوركها ولا خدي بمنحاس" ="وهاذي يصيبه للوجيه السفيره
وخلاغ ذا ياراكب فوق عدماس" ="ما مونت من نقوة الهجن عيره
حمرا وهي فى سنها وقم الاسداس" ="متوسط لافاطر ولا هى صغيره
ماهي لحوج راكبه بالعصى قاس" ="حزام عليها غير شبل النجيره
والخرج هو وبيوه قيل قرطاس" ="مع مذهب ليام ماهي كثيره
وفوقه غلام منتوه قطع الرماس" ="لو هو بالليل ماتغير نظيره
ويلي لفيت الدر فجهر بلا حساس" ="وبلغ سلامي كل ذيك العشيره
وختص ابوي الى نفل جملة الناس" ="وخصه بعلم وقل تراني بشيره
لايانقى العرض يابوي لاباس"= "كانك تشكي الضيم فننا اسيره
وان سالك عني تراني بنوماس" ="ونا حمد الى ما توصلت غيره
الحمد لو يشرى شريتاه بكياس" ="باموالنا نرخص ندور السيره
مطرق فنرجى مضاربه الراس"= "ومصلبخ حبته عسانى ذخيره
من صنع نصراني يشرب الكاس"= "يذكره وراى جاوه بعيد مسيره
ابغيه للي حاتيك على الناس" ="اهل النمايم الحكايا الكثيره
ربع نوو فيك الردا والتنحاس" ="مهبول ياللي قال غايب عشيره
على دين لوده الجميع بينحاس"= "لين العشيرا يقوم يلعن عشيره
يابوي انا ما رحت ادور كيفت الراس" ="مع ذا ولاني فى سفاه وغيره
اما سكنا الدار من غير هوجاس" =" ولا نعاف الدار وندورغيره
كله لعينا كلمة قلت يادباس" ="تشكي ونا دوني بحور غريزه
هذا لك يمين الشرع قطاع النناس" ="انه فلا جاني علوم بمصيره
لانب جاني ولا حبر بقرطاس"= "ايضا ولا جتني علوم سفيره
ان كان تشكي الضيف يابوي لاباس" ="جاك الفرج يابوي هو البريره
ولا فنايا بوي قطاع لرماس" ="اصبر على الشده ولو هي عسيره
يامسندي يابوي شوف اوكد الناس"= "ثم أنشده قل ويش هوفى مسيره
ان كان ما يفرج صديقك بنوماس" ="تحرم علينا الى نعوده صغيره
مدلول مجهول زهاتني الالباس"= "بنت الذي يثني ايلاه جت كبيره
طار يقول اظهر وطار بجلاس" ="قمت اشرك التنباك وثره معيره
وابغى عسى الله يبرد القلب ياناس" ="من لاهب شبت بقلبي سعيره
ومن كان له غايب فلا يقطع الياس" ="ان قدر لك جاب علمه بشيره