تعالو شوفو شخصيات شباب السعودية بس لا تزعلون

[ابن نهاض]

تعالو شوفو شخصيات شباب السعودية بس لا تزعلون
--------------------------------------------------------------------------------
انوع شباب السعودية

السلام عليكم ورحمة الله وبركاته

- شباب مكة :
معروفين بالمشاكل والمضاربات ..ومن شروط المضاربه لديهم أنه يكون

لديك ساطور أو سكين .. وياويلك اذا دخلت حارة وعملت مشكله مع اي واحد منهم ..

صدقني وقتها راح ينزل لك منتخب كاااامل زي منتخب نيجيريا كذا وعاد
مااحرق عليكم الباقي .

بس للأمانة فهم شبااااب دمهم خفيف مبسوطين دائماً .. مايعترفو بكلمة مااقدر ..

يعني لو قلت لاي واحد منهم هيا بنا نمرح . يقولك اوف كوررس وفي
رواية "قداااام"

ومن العبارات الشائعة لديهم مثل .. "ودين صلاة امي" .. "ياواد سيب
الهيامه" .. "استنا شويه دحينا اهرجوووو" " مكة حقنااااا"

ويا حبهم للفلسفه .. في كل شي عارفين ..وما فيه احد تسآله ويقولك ما اعرف


اهتمامات البعض منهم منصبه على كرة القدم مع انه ماادري فين يلعبوها كل << الدنيا عندهم جبال.. الترفيع بدباب جي تي ..

نصحية مكاوية: لاتترك سيارتك مفتوحه اذا نزلت عند السوبر ماركت.. هذه النصيحة برعاية اسواق بن داود!!

ــــــــــــــــــــــــــــــــــــــــــــــــــ


- شباب الطائف :
راح تعرفهم من طريقة لبسهم للطاقيه ... من شروط اختيار الطاقية

المناسبة أن يكون إرتفاعها 150سنتيمتر وعرضها 5 سنتيمتر .. لما

تمشي بينهم تحس انك ماشي بين ناطحات سحاب مو بشر ويرتدون طواقي..

ويتصف شباب الطائف بأنه البعض منهم عدواني.. واذا مثلاً صادف انه

عينك جات في عينه .. راح يتمدد صدره ويشمر عن ساعديه ويقولك : خير!! ايش فيك تطالع ؟؟

نصيحة: إذا كنت مدرس في الطائف فخليك أخلاق واعطي درجات .
( اشبها من جيبك والا والله تنجلد في الصرفه!!)
ــــــــــــــــــــــــــــــــــــــــــــــــــ



شباب جــدة:
اهلا وسهلاً .. راح اوفيكم حقكم من الحش .. قصدي الحديث عنكم ..

منتشر بين البعض منهم بالكذب بصورة كبيرة ومخيفه ..


وكذلك الـgirlfriendsـلازم تكون مشبك بنات او تعرف بنات والا راح تعتبر

شاب متخلف وعقليتك لا تتواكب وتتماشى مع متطلبات العصر والامم المتحدة..

وبالقوة يبغو يقلدو تكارين امريكا .. whassup brother!! صار السلام
عندهم<<< وياالله لما يجي عندك ويقولك هيه .. تحس انه يتفل عليك !!

وبعضهم يلبس اقمصه عليها شعارات واحرف غريبه وهوا والله مو داري ايش معناها
اعوذ بالله من جد شباب مهدد بالانحراف

اما اهتماماتهم : لف سجاير – الفشخره الكذابه – الطفش .. كل مااجلس مع احد منهم قال

طفشااااان – تشجيع الاتحاد – سرقة الايميلات– الكذب – المصلحه ... يعني اذا ماكان معاك فلوس .. والا ما عندك شقة خاصة فيك والا منته مستأجر << كبينه فمحد راح يعطيك وجه – مطاردة البنات اما ذي النقطة فهم مبدعين فيها عمى في شكلهم يشموا ريحة البنت مع السواق من على بعد 40 كيلومتر .

ـ نصيحة :
لاتذهب هذا المساء من البيت اذا فاز الاتحاد ... صدقني راح تكره حياتك !! فالخدم من كل حدب وصوب ..
ــــــــــــــــــــــــــــــــــــــــــــــــــ



ـ شباب المدينة:
مدري ليه شايفين نفسهم .. يتكلم شويه وبعدين يقول اناااا من المدينة ... على عيني وراسي من المدينة بس اعصابك !!

وعندهم قهوة مشهوره اسمها ابو .. والله نسيت .. المهم انها ابو حاجه لو ضربتك فيها لنسدحت صريعاً ..
ولكن صدقني راح تحب المدينة بغض النظر عن شبابها لانها مدينة الرسول صلى الله عليه وسلم ..
ـــــــــــــــــــــــــــــــــــــــــــــ


شباب ينبع :
يوووووووووه بصراحه تخاف منهم .. فعندهم ثقافة شباب الطائف ومكة وجدة

بالاضافة الى ثقافتهم الخاصة والتي تعتبر غريبه .. فإذا كنت ماشي على << ( رجلك في ينبع تلفها في خمسة دقائق !! ) فراح تجد انه الكل يضرب لك بوري هاه مشواااااار وانا مطنش واعمل نفسي اني ابكم !! ابغاهم يريحوني وينقلعوا ..

نصيحة :
انته مهدد بالطفش والأنحرااااف .. واحسن حاجه اشتري بلاي ستيشن واجلس في البيت .. ولاتفكر تطلع مره!!
ــــــــــــــــــــــــــــــــــــــــــــــــــ



شباب الرياض :
رأس مالهم الشماغ والعقال .. دائماً لابسينها .. مشاء الله عليهم

مشخصين في كل وقت وفي كل مكان << صار نسكافيه!!.. تجدهم

مشخصين عند الأكل ..عند النوم .. عند الحلاق ..عند الاشارة تكون الساعة..... هاهاااااااي ..

وبعضهم اذا شال الشماغ عن راسه راح تشوف جزر اندونيسيا في راسه<<< بالله بغينا تذكره ذهاب وعوده !!

واصحاب مصانع الاشمغة مستغلين مدى تعلق الشباب بالاشمغه وحبهم لها.. وكل شهر نازل شكل جديد .. مساكين الواحد ما يلحق يتهنى ويفرح بالشماغ اللي اشتراه ..

وعندهم قمة الترفيه والترويح عن النفس أنك تطلع القهوة مع اصحابك
وتجلسون تتفرجون على الدش .. والمكيف شغال وابن امه يفتح فمه !!

لكن للأمانة ماعندهم لاحشيش ولا حبوب .. لانهم كذا بالفطره مرتفعين .. بس انته قول

السعوديه فازت .. وتعال شوف الجنااااان .. والا قم بتمرير عبايه مخصره من عندهم يؤؤؤؤؤؤ ويش ذااااا الزين والحلااااا..

اهتماماتهم .. مشاهدة افلاااام التفحيط ... دخول الشات ثم كتابة عبارات غريبه زي )

(لؤؤؤؤؤؤؤؤؤؤؤل )
<< انا ودي اعرف ماهو موقع الهمزة من الاعراب في الكلمة السابقة ..سؤال عليه درجتين!!

التسجيل في المنتديات بأسماء معبره .. ( ضفدع مضيع نظارته,, ضب اطخم ,, دولاب المطبخ .... )

الترقيم وتطفيش البنات .. مطاردة الضبان وتعذيبها ..

نصيحه :
لاتلعب معهم إورقه (بلوت) ماعندهم تفاهم .. شويه ويضربوني عشاني سرحت شويه عن اللعب ..هذا ظلم يا شباب !
ــــــــــــــــــــــــــــــــــــــــــــــــــ


شباب القصيم :
بسهوله راح تجدهم وتتعرف عليهم من ملابس بعضهم .. قميص نوم وفوقه

طاقيه .. والمشكله يطلع فيها ويروح كل محل .. المسجد , السوق , الملاهي , الماسنجر ..

وفيه بعضهم مرررره ماتقدر تاخذ وتعطي معاهم شايفين انفسهم .. ومره لاغين المنطقة الغربيه من قاموسهم !!
حجاااااازي وجع فجعتن
وتقول العرب قديماً قصمنجي .. على وزن افرنجي .. وكذلك قصمنجيه .. على وزن ملوخيه آسف كنت اقصد افرنجيه .. ايش اعمل جيعان !!

امنية:
ودي اتعلم اللهجة القصمنجيه واتكبر على الشبااب !!
ــــــــــــــــــــــــــــــــــــــــــــــــــ



شباب الدمام :
رهيبيين وتحف في نفس الوقت.. بس كرهونا في مطعم الطازج كل مره وعازمينا

فيه .. ياشباب استحووو غيرو المطعم وماعندهم سيره الا سوق الراااشد

اهتماماتهم : يجيد البعض منهم التحدث باللغة الروسية والاوكرانية
والاشتراكية << وجميع دول الاتحاد السوفيتي السابقة بطلاقةهذي والله اخرة التسدح في فنادق البحرين .

نصيحة:
مافيه نصيحة ياشباب لانها مشفره مع باقة الاوائل.. ماعاد فيه شي ببلاااش !!

ــــــــــــــــــــــــــــــــــــ

شباب الباحة :
ونعم الشباب .. ولكن يلاحظ عليهم كثرة الحسد ونقل الكلام !!..

" سعييييييييد اظهر له كاااامري جديده وفيها بيجر ياخه <<< يقصد جرس السرعة!! واليوم الثاني المسكين سعيييد يسوي حادث بالكامري ويصدم في بيته!! "

واذا مثلا ً عطست فالخبر راح ينتشر في كل مكان والله فلان عطس ويمكن يطلعو عليك اشاعة انك مصاب بحمى الوادي المتفقع !!

نصيحه :
في كلمة جميله لازم تستخدموها اذا شفتو اي حاجه اعجبتكم "مشاء الله
تبارك الله"!!
ــــــــــــــــــــــــــــــــــــــــــــــــــ




شباب الشمال:
الله الله عليهم وماشاءالله عليهم كرم مايشوفونك بالشارع الا يتسابقون على الي يوصلك

ولازم يكرمك ببيته واذا رفضت كفخك بالقناه "قناه يعني عجرا"

والله الله على المصطلحات "قوطر - ونهج - ووين تيد " كلها افعال ماضي منصوبه بالشخطه

بالصيف وعز القوايل تحصلهم بالبر يطردون ورى الارانب والغزلان

والولد من يصير عمره 14 استلم سياره وماغير فر بالشوارع

وعندهم عداوة النوم غريبه تحصله 3 ايام بدون نوم وعادي "طبيعي"

وكل ساعه تحصل فلان <<<سطح دماغ صديقه وانتقل الى رحمة الله لانه ناظره بنص عين

تروح المستشفى تحصل فلان قاطع يد صديقه وصديقه شايل عينه بيده وعااادي يتصافون بنفس الوقت وماكأن حاجه حصلت <<< ياحليلهم والله حبوبين والي باول الديره يعرف الي باخر الديره قرايب واهل

عندهم حكمه تقول : "انا واخوي على ولد عمي وانا وولد عمي على الغريب "

نصيحه :
اذا شفت تجمع لا تحاول تشوف وش الحكايه
لانه من الطبيعي تطلع من بينهم على نقاله

ــــــــــــــــــــــــــ

الخاتمة :
من الكلام السابق والاصناف المتعدده التي ذكرتها راح يتبادر للقارئ اني
متعمد الإساءه لشباب بلدي .. ولكن أنا ذكرت بعض العينات والتصرفات التي لانستطيع أن ننكر وجودها في مجتمعنا, وقطعاً لم اعمم هذه التصرفات على بقية الشباب لتأكدي بأنه هناك الكثير من الشباب فيهم الاستقامة والصلاح وجميع الصفات الحسنه.. ولكن احياناً يتم الحكم على سائر الشباب بتصرف مجموعة بسيطه ترتكب الاخطاء ومن ثم يتم اصدار الحكم بأن شباب السعوديه فيهم وفيهم .. ولكن هذه هي طبيعة البشر .

فمثلاً لو جاءنا شخص من المريخ (مثلا) وكان محترم و متدين وكريم .. الخ من الصفات الحميدة .. وتعاملنا معه ولمسنا فيه هذه الصفات الحميدة .. بعدها راح تكون الفكرة لدينا والتي تكونت من خلال تعاملنا معه بأنه شباب المريخ فيهم الخير والصلاح ... لو تلاحظو انه احنا تعاملنا مع شخص واحد وما نعرف صفات البقية منهم ولكن اصدرنا الحكم عليهم بالصلاح بتصرف شخص واحد منهم..

اللي ابغى اقوله انه كل واحد منا دائماً في حياته وتعامله مع الاخرين
بيكون سفير للمجتمع الذي ينتمي له .. فلو كل واحد منا احسن التعامل مع الآخرين و تمسك ( بدينه )دائماً لاعطى صورة مشرفه لمنطقته والذي بدوره ينعكس على السعودية بشكل عام. .

وسامحوني اذا اخطيت عليكم

[مشاري البدراني]

امنية:
ودي اتعلم اللهجة القصمنجيه واتكبر على الشبااب !! ابشر ماطلبت شي مالك الا اللي يعلمك


الاخ ابن نهاض الله يعطيك الف عافيه


مشاركه رائعه جدااا


تقبل مروري

[ابن نهاض]

السلام عليكم ورحمة الله وبركاته

مشكور اخوي مشاري علي المرور وعلي فكره ترى منقول هذا الكلام مش كلامي


ابن نهاض