مرثية في الشيخ زيد زيدان المريبطي الحربي

[عبدالمطلوب مبارك البدراني]

مرثية في قيّم عين المضيق بوادي الفرع الشيخ زيد بن زيدان المريبطي الحربي رحمه الله تعالى للشاعر:

منصور على المريبطي الحربي

مات المضيق وكلنا ما بكيناه = نعود له لاجاته سيول وامطار
والنور باقي فيه يازين حلياه = شيخ المضيق مكرم الضيف والجار
القيّم اللي في طبوعه عرفناه = يفرح ليا مروا على البيت خطار
معروف بيته والرياجيل تنصاه = وسط الفرع مبني على شبة النار
ان قلت له يازيد تكفى وتنخاه =يقضي لك الحاجه على سر وجهار
ويوم الخبر جانا وربه توفاه = اكبر مصيبه يوم جوني بالاخبار
جبت الطبيب وقال في شرح معناه =شوف المضيق مطفيه فيه الانوار
وخيم علينا الحزن من يوم شفناه = وطبيعة المؤمن شكور وصبار
واشيخنا اللي يوم فارق فقدناه = اقفى عن الديره وقفى عن الدار
شفت الجماعه يوم حنا دفناه = يبكون ابو سلطان والدمع عبار
عساه لاقفوا عن القبر يلقاه = مدّ النّظر وسعه منور بالازهار
يارب سلم له كتابه بيمناه = يارب يا رحمن جيره من النار
واغفر ذنوبه واعطه اللي تمناه = في جنة الفردوس في قصور وانهار
يا مطّلع في كل سره ونجواه = يارب ترفع منزله عند الابرار
وحنا معه في رحمة الرب ورضاه = أيامنا تحصى بقسمه ومقدار
لابد ما نلزم طريقه ونقفاه = ما احد سلم من فعل قصاف الاعمار
اليوم جاء راع المصيبه وعزاه = وبكره يجيه الموت من غير معذار
الله جعل مدة حياته في دنياه = مقدّرة باجال فكبار وصغار
وحنا على ما قدر الله حمدناه = وباقي لنا ف(الدرب )تكميل مشوار
نحب هدي المصطفى واتبعناه = يشفع لنا والله رحيم وغفار

[ابن شنوت]

يـارب سلـم لـه كتابـه بيمنـاه
يارب يا رحمن جيـره مـن النـار
واغفر ذنوبه واعطه اللـي تمنـاه
في جنة الفردوس في قصور وانهار

رحم اللة الفقيد رحمة واسعة واسكنة فسيح جناتة
الله يعطيك الف عافية اخوي ابو ناصر على النقل
تقبل تحياااتي

[محمد بن مرزوق البدراني]

الله يرحمه ويسكنه فسيح جناته

الاخ عبد المطلوب الله يعطيك العافيه على النقل

تحيااتي