ياويش رجالً

[الحرير]

ياويش رجالً قفى ولاشيف --------------------------------- دخل بزماناً ولامنه مظهار
حلة محله بنتاً لها غطاريف ---------------------------------- حلة محله غصب بكل الاقطار
من حياها متغطية ماتقابل الضيف ----------------------- متغطيه مابين بيبان وجدار
من عقب ماله مجلساً مع اهل الكيف -------------------اليوم معاد له ايات معبار
من عقب مخاوى نقالة السيف ------------------------ من شوفها ذاق التعاسه والامرار

[عبدالمطلوب مبارك البدراني]

هيضتني باللغز والحل تهديف = النجر راح بدون قيمه ومقدار
حلت محله يا السنافي عواصيف = طحانة قامت تصرصر تصرصار
يا ما حلا وان جاء الرجال الصواريف = وجات الدلال ونجرها وشبت النار
ودارت مابين الربع زين السواليف = في مجلس فيه الفناجين تندار
رجال شجعان ثقات وعواريف =والعود فاح وكيفهم بن وبهار

[راعي الديره]

يالمطحنـه وش قربـك للمعاميـل وش شرهك على النجر تفهقينـه
هذا النجر صوته يجيب المشاكيـل ليا صلفقه خطـو الولـد بيمينـه
يرمك به المسمار والبـن والهيـل والا انتـي المسمـار ماتطحنينـه
كوني مع النسوان عند المواعيـن وراعي لبزار العيش كان تجرشينه
كم خير يقيـف وبيـده الفناجيـل واليا طفى الكهـرب ماتساعدينـه
أن أشهد ان صوتك يجيب الولاويل لا ولع الكهـرب غدالـك رنينـه
ياعل ماصوتـك رزيـم المخاليـل بي وصد خايع والعشايـر سمينـه

[الحرير]

صح الله لسان الاعلامي عبدالمطلب البدراني وصح لسان راع الديرة بيض الله وجيهكم تشرفت في مشاركاتكم وهذا مايعطيني دافع للكتابه في منتدانا المميز .


وتمنى لكم التوفيق