ماكل مايطري على البـال ينقـال =ولاكل شاعر يكتب البيت بالصـح
ولا كل من يركب على الخيل خيال=ولاكل فـارس للمساطيـر يذبـح
وياما رجالاً بالفعل تـازن جبـال=ماتوا وخلوا فعلهـم علـم يطـرح
ودمع الرجل لاتحسبه ضعف لاسال=موقف يهز جبال والجـوف يقـدح
وصمت الرجل هيبه ولافيه مفصال=وكثر الكلام يقلل القـدر ويجـرح
والخبل خبل لو فعل فعـل وافعـال=لاتامنه سرك ترى الخبـل يفضـح
وناس خلقها ربنا اطباع واشكـال=هذا تعيـس وذاك ياصـاح يفـرح
احد يشيل احزان وهمومـاً ثقـال=وحداً يشيل افـراح والهـم ينـزح
وحسك تقول الله لو عندي امـوال=لفعل واسوي مـا تمنيـت وانجـح
لاني كريم يعطـي امـوال بهبـال=ولاني بخيل القوم في لقمتـه شـح
ولو الزمن يمشي على مشتهى البال=محد شقـى بدنيـاه والكـل يفلـح
ولاتشتكي حظك على الناس لامال=شكواك للي يجعل الحـظ يصلـح
ولاترسم الضحكه على كل مـوال=ضحكك بليا اسباب للقلـب يذبـح
وماكل شخص يكتب البيت ينقـال=شاعر يصب القاف في وزنه الصح
منقول للفائده وجزاء الله شاعرها الف خير