قصيدة لخادم الحرمين الشريفين الملك فهد بن عبدالعزيز رحمه الله ..
عندما كان مريضا في لندن في شهر شوال من عام 1385هجري
حيث بعثها الى المرحوم الامير فهد بن سعد يشكو فيها
قساوة المرض حيث قال :




يابو سعد صارت علـــى اخوك غارات=شهرين اقاسي مـن شديـد الغرابيـل

سو المرض يحمل على اخوك حملات=مافي يدي حيله ولا في يـدي حيـل

والله فزع من فوق ســبـع السمـاوات=وانا احـــمد الله يوم صـارت تساهيـل

ماينفع الخايـف والايـــــــام عجـلات=الخوف ماينــــــفـع ولا القـول والقيـل

حنا هل العوجـــــــــا ولا بــه مـروات=شرب المصايب مثل شرب الفناجيـل

لاشك انا مشـغول في كـل الاوقـات=على الـذي حنـــــا بظلـه رجاجيـل

ماني على نفسي كثيـر الحسافـات=لاسلم راسه روسنـا رفـاع بالحيـل

حامـي حمانـا بالليالـي المخيفـات=لو صـار بالعالــــــــم كثيـر الزلايـل

فخر العروبـه بالعــــــدل والمسـاواه=هذاك هو (فيصـل) ولا فيـه تشكيـل

يشهد له اللـي شاهـدوا منـه ليـات=ويشهد له التاريخ جيـل بعـد جيـل



فاجابه الامير \ فهد بن سعد رحمه الله بهذه القصيده :



يامرحبـا بكتـاب زبــــــــــــــن المـخـلات=اهـلا هلابــــــه عـــد وبـل الهماليـل

حمـدت مـن زال الكــــــــدر بالمسـرات=فكاك مـن صكــــت عليـه المحابيـل

فـزع لـك اللــــــــي عالــــم بالخفـيـات=مبري جروح ايـــوب غيـث المراميـل

لعل مايزعج علـى فقــــــــدك اصـوات=ولعلهـا لـك يابـو فيـــــــصـل تماهيـل

الله يجيرك مـن صـواديـــــــــف الافـات=عسـاك تسلـم ياعشيـر المشاكيـل

ماانت برخيــــــــــص ياربيـع القرابـات=لو هي بالايدي كان دونـك حلاحيـل

ترا لنا بـك يافتـى الجـــــــود هقـوات=في وقتنا الحاضـــــر وباللـي مقابيـل

يفـداك ربـع قصــــروا بالمـــــــهـمـات=اللي علـى القـالات ماتنطـح الشيـل

بعض العرب حي ومن عرض الاموات=مايرتجـي نفــــعـه بحـل المشاكـيـل

وفيصـل ذرانـا بالســنيـن المخيفـات=هو درعنا الضـــافي الى ضدنـا الميـل

اللـي نقـل عنـا حمـــــــول ثقـيـلات=راس الحصــــــيـل ان كملـن الحصيـل

.................................................. ...........
اللهم اغفر له وارحمه

واسكنه فسيح جنتك

وانزله منازل الصالحين والشهداء

وتقبلوا تحياااااااااااااااتي