هجا هاجن هجاني واستهاج بداخلي افواج = على نهج النهيج اللي تناهج كيف ابانهجها
تلوج العوج مع عوجن تعاوج وعلي تعاج = عوج من عاجها علي من شان عيجها
تراجد بالضمير وتحتدم مثل البحر لاهاج = اكن الغيظ واغضي عن خطاهم في تعروجها
ولاكن طالت القصه واباقف ويالله المخراج = ابا ثني واعتزي من دونها بناس(ن) تعالجها
وانا ماجيت ادور هرجت(ن) قد قالها الهراج = اعرف ابعادها وقيس كايلها وهارجها
تدرج و السوالف ينتجن ازواج بعد ازواج = على نقض النقيض اللي تناقض في تزاوجها
ولاكن ياجماعه حولها ابا اقفل المزلاج = بعيده لاحدن منكم يجيها ويتولجها
واخر كلمتن مني ابيها منع للاحراج = ترا بعض السوالف نوب بعض الناس تحرجها
مشاري البدراني