( أركان قلبي )
أركان قلبي هزها الشوق لك هز
هزت صواريخ العدا وسط غزّه
فرقاك والله حزّت بخاطري حز
ودي بلقياكم في كل حزّه
لا جابوا اسمك فز قلبي لكم فز
الله يعين القلب من ذيك فزّه
أصبر وامز المُر من أجلكم مز
من هو يطيق المُر ويطيق مزّه
أصبحت أنا يا صاحبي منك منجز
صدك وبعدك شل جسمي وجزّه
دزيت من عذب القصايد لكم دز
عاشق ومن جوف الحشا لك يدزّه
لا تاخذ علوم الواذل ومن وز
شيطانه اللي من حسدهم يوزّه
طيفك حياتي دايم الدوم مرتز
في وسط قلبي لك مكانه ورزّه
عزيز عندي يا حبيبي ومنعز
عن الملا كلّه خذيت المعزّة
شعر / ضيف الله البدراني (أبووليد )