الخيال اشهر من الحر النداوي= والندى رمز من اليمنى النديه
حيلة النصاب مقطوع الرجاوي= والله انه مايمشيــــــها عليه
(0+0) قلي كم يساوي؟؟؟؟؟؟ = يعني الذمه من الذمه بريـــه
ليش دسيت الروايه وانت راوي= تعرف ان العاقبه ذنب وخطيــه
يوم جاك الليل في بر الصداوي= ضعت ياالراعي وضيعت الرعيــه
=
دلتك فاحت وانا عنها غناوي= قهو قيس وقهو ليلى العامريه
لو لبست الجوخ والبشت الحساوي= مانته بنايف وزير الداخليــه
اعظم الامثال في شعر الخلاوي= ماطرقها باللحون السامريـــــه
وعزة ابراهيم والياس الهراوي= يضربون امثال هـــي وهـاي هيـه
من سمع سمعة شليويح العطاوي= ميز النفس الفقيره والغنيــــه
يوم طار الستر من مبسم مضاوي= ماطراه الا الشجاعه والحميــــه
الازّمه ماتغطيها الغطـــــاوي= والسلوب العنجهيه عنجهيــــــه
والله انك من بعيدين الهقــاوي= مار تجرفك الحميّا الجاهــليـــه
اسمع الفتوى من شيوخ الفتاوي =اسمها فتوى واسميها وصيـــــــه
ماهويت المستحيل الا انت هاوي= روح سرمد والمسافه سرمديـــــــه
مار لا ينحي بك السيل النحاوي=رحت مثل الحبل في رقبة المطيــــه
حاول انك ماتطيح الا متســاوي= لا تشب الحرب وتصير الضحيــــــــه