هذه من اجمل القصائد اللي احفظها ومن اقربها الى نفسي
لشاعرنا الحميدي الحربي ....

يا مفًسر أسباب انعزالي عن الناس

عدّة تفاسيرِ تحوّل و ترقى

كسر و جَبّر و اضرب أخماس باسداس

و ارقص إلى غنّت على الغصن ورقا

قفر الخفايا يجهله كل عَسّاس

لو له ذكا هامان و عيون زرقا

ماهَمّني حامي حكي بارد إحساس

اللي نواميسه و شايه و درقا

أو خامل الهمّه لو إنه وَلَد ناس

مراكبه بِبحور الاوهام غَرقَا

لي عن مجالسهم مجالس و جِلاّس

روسِ رقت للطايله كل مرقا

واحنّ للوحده إلى غَطّ بِنعاس

جفن المعافى من هوى كل طرقا

يا خِذ بي الهاجس مع الليل مرواس

أبحِر بلا مجداف غَربٍ و شرقا

لا زلّ هوجاسٍ تقبّلت هوجاس

يرقي العذاب و يدمي الجرح و ارقى

أشيل جرح العود لمفارق دباس

مع اختلاف أحوال فرقا فرقا

و لي هب لانفاس أوّل الفجر نسناس

و لبس السما يشتٍ رهيفه و برقا

أونَست ما يطغى على كل الاوناس

شوقٍ لهيبه يسرق الحال سرقا

ناره لظاها يوم يسري بالانفاس

أقول تصبح منه أشاقيّ حرقت

وسلامتكم...